Dünya Azərbaycanlılarının III qurultayının gələn ilin martında Bakıda keçiriləcəyi gözlənilir
Bakı, 17 dekabr (AZƏRTAC). Dünya Azərbaycanlılarının III qurultayının gələn ilin martında Bakıda keçiriləcəyi gözlənilir.
AZƏRTAC xəbər verir ki, bunu jurnalistlərə Diasporla İş üzrə Dövlət Komitəsinin sədri Nazim İbrahimov demişdir.
Komitə sədri bildirmişdir ki, Dünya Azərbaycanlılarının II qurultayı da 2006-cı ilin martında Bakıda keçirilmişdir. Birinci qurultayda ümummilli liderimiz Heydər Əliyev, ikinci qurultayda isə Prezident İlham Əliyev proqram xarakterli nitqlərlə çıxış etmişlər. Bu nitqlərdə həm də dünya azərbaycanlılarının 5 illik əsas fəaliyyət istiqamətləri müəyyən olunmuşdur. Son 5 il ərzində diaspor quruculuğu, lobbiçilik istiqamətində çox müsbət işlər görülmüşdür. Düşünürük ki, III qurultayda da diasporumuzun fəaliyyəti ilə bağlı xüsusi istiqamətlər müəyyənləşdiriləcəkdir.
Qurultayın keçiriləcəyi dəqiq vaxt yaxın müddətdə məlum olacaqdır.
Bölmənin digər xəbərləri
