Ədalətsiz düzəlişin tətbiqi 33 ildən sonra dayandırıldı VİDEO
Bakı, 11 avqust, AZƏRTAC
Bakı ilə Vaşinqton arasındakı münasibətlərdə gərginlik yaradan 907-ci düzəliş tarixə qovuşdu. ABŞ Konqresi tərəfindən 1992-ci ilin oktyabrından etibarən “Azadlığı Müdafiə Aktı”na edilən 907-ci düzəlişlə Birləşmiş Ştatların Azərbaycana birbaşa yardımı qadağan edilirdi. Bununla Azərbaycan postsovet məkanında ABŞ-ın yardımını və dəstəyini birbaşa qəbul edə bilməyən yeganə dövlətə çevrilmişdi. Bu, həmin vaxt Ermənistan tərəfindən hərbi təcavüzə məruz qalan Azərbaycana qarşı görünməmiş tarixi ədalətsizlik idi. Azərbaycan-ABŞ münasibətlərinə kölgə salan, ikitərəfli əlaqələrdə gərginlik yaradan bu müddəanın 33 ildən sonra ləğvi, bu ədalətsiz düzəlişin tətbiqinin dayandırılması Azərbaycan diplomatiyasının tarixi uğurudur.
AZƏRTAC mövzu ilə bağlı videomaterialı təqdim edir.
Bölmənin digər xəbərləri
