Ədilə Mustafayeva: BMT-yə müraciət edirik, itkinlərimizin taleyinə aydınlıq gətirilsin
Bakı, 3 avqust, AZƏRTAC
Qardaşım Birinci Qarabağ müharibəsində böyük şücaət göstərib. O, özünün idarə etdiyi helikopterdə vurulması nəticəsində itkin düşüb. Biz 30 ildir ki, qardaşımın yolunu gözləyirik. Ermənistan tərəfindən itkinlərimizin aqibəti haqqında məlumat verilməsini tələb edirik.
Bunu AZƏRTAC-a müsahibəsində Azərbaycanın ilk hərbi pilotlarından olan və Qarabağ müharibəsində itkin düşən Feyruz Cəlilovun bacısı Ədilə Mustafayeva deyib.
“Bilirik ki, dövlətimiz bu məsələ ilə maraqlanır, lakin qarşı tərəf hər şəkildə əngəl törədir. Biz istəyirik ki, heç olmasa itkinlərimizin taleyinə hər hansı aydınlıq gətirilsin. Çünki, hələ də ümidlə yaşamağa davam edirik. Buna görə də BMT-yə müraciət edirik, dünya bizim səsimizə səs versin”, - deyə Ədilə Mustafayeva vurğulayıb.
Bölmənin digər xəbərləri
