Əhməd Nuri Yurdusev: Ortaq elmi təşəbbüslər region üçün əhəmiyyətli nəticələr doğuracaq
Bakı, 20 iyun, AZƏRTAC
Elmi əməkdaşlığın qlobal səviyyədə gücləndirilməsi və ortaq elmi təşəbbüslərin genişləndirilməsi bütün region üçün əhəmiyyətli nəticələr doğuracaq.
AZƏRTAC xəbər verir ki, bu fikri Asiya Elmlər Akademiyaları və Elmi Cəmiyyətləri Assosiasiyasının (AASSA) prezidenti, TÜBA Beynəlxalq Əlaqələr işçi qrupunun sədri professor Əhməd Nuri Yurdusev AMEA-nın və Türkiyə Elmlər Akademiyasının (TÜBA) birgə təşkilatçılığı ilə Bakıda keçirilən “Azərbaycan və Türkiyə dünya siyasətində” beynəlxalq simpoziumunda çıxışı zamanı deyib.
O, çıxışında rəhbərlik etdiyi Assosiasiyanın əsas fəaliyyət istiqamətləri barədə ətraflı məlumat verib, Azərbaycan və Türkiyə Elmlər akademiyaları ilə mövcud elmi əməkdaşlıq əlaqələrinin önəmini diqqətə çatdırıb.
Professor Əhməd Nuri Yurdusev beynəlxalq tədbirin iki qardaş ölkə – Azərbaycan və Türkiyə arasında elmi və strateji münasibətlərin daha da möhkəmlənməsinə, eləcə də xalqlar arasında qarşılıqlı anlaşma və tərəfdaşlığın inkişafına töhfə verəcəyinə əminliyini bildirib.
Bölmənin digər xəbərləri
