Ekofəal: Bizim məqsədimiz sülhə nail olmaqdır
Şuşa, 14 dekabr, AZƏRTAC
Artıq üçüncü gündür ki, biz ekoloji etiraz aksiyası keçiririk. Hədəflərimiz dəyişməzdir. Ərazilərimizdə faydalı qazıntı yataqlarının qanunsuz istismarının monitorinqinin keçirilməsini və onların talan edilməsinin qarşısının alınmasını tələb edirik. Bizim məqsədimiz sülhə nail olmaqdır.
Bu fikirləri AZƏRTAC-a müsahibəsində “Ekosfera” sosial-ekologiya mərkəzinin əməkdaşı Jalə İsmayılova deyib.
“Lakin təəssüflər olsun ki, Ermənistan mediasında Azərbaycanın guya bu yolu bağlaması və bununla da yaşayış məntəqələrində vəziyyəti mürəkkəbləşdirməsi kimi yalan məlumat yayılır. Biz təcili yardım maşınlarının və mülki avtomobillərin buradan keçməsinə kömək etməyə hazırıq. Sosial şəbəkələrdə biz bəzi ekofəalların əlaqə nömrələrini qeyd etmişik ki, kömək almaq məqsədilə bizimlə ünsiyyət qura bilsinlər. Lakin indiyədək heç bir müraciət daxil olmayıb”, - deyə J.İsmayılova əlavə edib.
Bölmənin digər xəbərləri
