Ekologiya və Təbii Sərvətlər Nazirliyi payız mövsümünün başlanması münasibətilə ağacəkmə kampaniyasına start vermişdir
Bakı, 1 noyabr (AZƏRTAC). Payız mövsümünün başlanması münasibətilə Ekologiya və Təbii Sərvətlər Nazirliyi tərəfindən Zığ - Heydər Əliyev adına Beynəlxalq hava limanı magistral avtomobil yolunun 10-cu kilometrliyində kütləvi ağacəkmə aksiyası keçirilmişdir.
Nazir Hüseynqulu Bağırovun da iştirak etdiyi aksiyada qurumun əməkdaşları və jurnalistlərin iştirakı ilə 7000-ə yaxın ağac əkilmişdir. H.Bağırov məlumat vermişdir ki, ərazidə əkilmiş ağacların 90-95 faizi tutmuşdur. Gələn ilin sonuna qədər bu ərazidə 902 hektar yaşıllaşdırma aparılacaqdır. Ağacların əkilməsi ilə yanaşı onlara davamlı olaraq qayğı göstərilməsi də diqqət mərkəzində saxlanılır. Hazırda Ələt-Salyan, Bakı-Quba, Ələt-Hacıqabul, Bakı- Şamaxı yollarında da ağacəkmə kampaniyası keçirilir. Payız mövsümünün başlanması münasibətilə artıq 28 min ağac əkilmişdir. Mövsümün sonuna qədər bu rəqəm 100 mini keçəcəkdir.
Bölmənin digər xəbərləri
