Ekoloji qanun pozuntuları ilə bağlı 70 müraciətə baxılmışdır
Bakı, 15 noyabr (AZƏRTAC). Ekologiya və Təbii Sərvətlər Nazirliyinin (ETSN) 24 saat ərzində fəaliyyət göstərən “Qaynar xətt”i (539-18-63, 538-13-35) vasitəsilə ölkə ərazisində ətraf mühitin mühafizəsi, ekoloji qanun pozuntuları barədə müraciətlər qəbul edilir.
ETSN-in mətbuat xidmətindən AZƏRTAC-a bildirmişlər ki, bu ilin oktyabr ayı ərzində “Qaynar xətt”ə daxil olmuş 70 müraciətin 12-si ağacların kəsilməsi, 49-u ağacların aşma təhlükəsi ilə əlaqədardır. Müraciətlərin 9-u isə məişət tullantılarının qalaqlanması, atmosfer havasının çirklənməsi, çirkab suların axıdılması, səs-küylə bağlı olmuşdur.
Nazirliyin əməkdaşları şikayətləri yerində araşdıraraq, qanunamüvafiq tədbirlər görmüşlər.
Bununla yanaşı, araşdırmalar zamanı müraciətlərin əksəriyyətinin şəxsi münaqişələri həll etmək məqsədi daşıdığı məlum olmuşdur.
Bölmənin digər xəbərləri
