Elvar Osmanov: Azərbaycan ekologiyasına zərər verən amillərin qarşısı alınmalıdır
Bakı, 14 dekabr, AZƏRTAC
Tələbimiz Azərbaycanın ekologiyasına və təbiətinə zərər verən amillərin qarşısının alınmasıdır.
Bunu bir qrup azərbaycanlı ekoloqun, QHT nümayəndələrinin Rusiya sülhməramlı kontingentinin müvəqqəti yerləşdirildiyi Azərbaycan ərazilərində təbii sərvətlərin qanunsuz istismarına qarşı Laçın-Şuşa yolunda təşkil edilən etiraz aksiyasının iştirakçısı, “Gəncə” idman klubunun idarə heyətinin sədri Elvar Osmanov AZƏRTAC-a müsahibəsində söyləyib.
Azərbaycanın sərvətlərinin talanmasına son qoyulmalıdır deyən E.Osmanov əlavə edib: “Rusiya sülhməramlı kontingentinin komandanı general Andrey Volkovun aksiya iştirakçıları ilə görüşməsi vacibdir. Biz cari ekoloji vəziyyətin ədalətli şəkildə - Azərbaycanın ekoloji qanunvericiliyinin normalarına müvafiq olaraq qiymətləndirilməsini tələb edirik. İşğal illərində Ermənistan bizim torpaqlarda ekoloji soyqırımı törədib. Biz dünya ictimaiyyətinə müraciət edərək bunlara biganə qalmamağa çağırırıq”.
Bölmənin digər xəbərləri
