“Embafinans” QSC-nin istiqrazlarının yerləşdirilməsi üzrə hərrac keçirilib
Bakı, 17 iyun, AZƏRTAC
İyunun 17-də Bakı Fond Birjasında (BFB) “Embafinans” QSC-nin ədavül müddəti bir təqvim ili olan AZ2007020608 dövlət qeydiyyat nömrəli, 1 milyon 500 min manat həcmində, faizli, təmin edilməmiş sənədsiz, adlı istiqrazlarının yerləşdirilməsi üzrə hərrac yekunlaşıb.
BFB-dən AZƏRTAC-a bildirilib ki, hərrac zamanı 11 investor tərəfindən 11 sifariş təqdim edilib. İstiqrazın illik faiz dərəcəsi 10,5 faiz, faiz ödəniş dövrü isə 30 gün təşkil edir. Sifarişlərin nominal qiymətlə ümumi məbləği 2 milyon 193 min manat təşkil edib. İstiqrazların nominal qiymətlə yerləşdirilmiş həcmi isə 1 milyon 500 min manat olub.
Bölmənin digər xəbərləri
