ERMƏNİ QATİLLƏRİN VƏHŞİ SİMASI BÜTÜN DÜNYAYA GÖSTƏRİLMƏLİDİR
Bakı, 26 fevral (AZƏRTAC). Türkiyə KİV-lərinin verdiyi məlumata görə, bu ölkədə fəaliyyət göstərən Qondarma Soyqırımı İddiaları ilə Mübarizə Dərnəyinin (ASİMED) sədri Savaş Əyilməz Birləşmiş Millətlər Təşkilatına (BMT) üzv ölkələrin Xarici İşlər nazirliklərinə Xocalı qətliamını əks etdirən afişa və disklər göndərəcəklərini bildirmişdir.
Dərnək sədri bu məqsədlə disk və afişaların artıq hazırlandığını bildirmişdir. Ermənilərin Xocalı şəhərində 613 nəfəri qətlə yetirdiklərini bildirən S.Əyilməz 487 nəfərin şikəst olduğunu, 1275 nəfərin isə əsir alındığını bildirmişdir. Xocalı soyqırımının sübutu üçün arxiv sənədlərinə ehtiyac olmadığını açıqlayan dərnək sədri qeyd etmişdir ki, qətliamın yüzlərlə canlı şahidi ilə birlikdə, çoxsaylı videoçəkilişləri və fotoları vardır. Erməni qatillərin vəhşi simaları bütün dünyaya göstərilməli, cəlladlar cəzalandırılmalıdır.
Bölmənin digər xəbərləri
