Ətraf mühiti qorumaq hər bir vətəndaşın borcudur
Bakı, 29 noyabr, AZƏRTAC
Ekologiya və Təbii Sərvətlər Nazirliyi tərəfindən Orxus İctimai Ekoloji İnformasiya Mərkəzində Azərbaycan Dövlət İqtisad Universitetinin 50-yə yaxın tələbəsinin iştirakı ilə “Ətraf mühiti qorumaq hər bir vətəndaşın borcudur” mövzusunda növbəti seminar keçirilib.
Nazirliyin mətbuat xidmətindən AZƏRTAC-a verilən məlumata görə, tələbələrə təbii sərvətlərin qorunması, su ehtiyatlarının idarə olunması, xüsusi mühafizə olunan təbiət ərazilərinin inkişafı, Azərbaycan Respublikasının ekoloji siyasəti, iqlim dəyişmələri, ətraf mühitin mühafizəsi sahəsində həyata keçirilmiş tədbirlər barədə məlumat verilib, onların sualları cavablandırılıb.
Maarifləndirici seminarların təşkilində məqsəd ali təhsil müəssisələri tələbələri arasında ətraf mühitin mühafizəsinin vacibliyi ideyalarını geniş təbliğ etməkdir.
Bölmənin digər xəbərləri
