Faruk Hadcibegiç: Yaxşı oynadığımızı deyə bilmərəm
Bakı, 10 oktyabr, AZƏRTAC
Hər oyunda eksperiment aparmaq olmur. Əvvəlki oyunlarla müqayisədə bu dəfə fərqli oynadıq.
AZƏRTAC xəbər verir ki, bunu UEFA Millətlər Liqası çərçivəsində oktyabrın 10-da Azərbaycan millisini məğlub edən Monteneqro yığmasının baş məşqçisi Faruk Hadcibegiç oyundan sonra təşkil olunan mətbuat konfransında söyləyib.
Monteneqro yığmasının baş məşqçisi deyib: “Qarşımızda aqressiv futbol təklif edən komanda var idi. Yaxşı oynadığımızı deyə bilmərəm, amma nəticə bizim üçün çox yaxşıdır. Meydançanın istənilən səviyyədə olmaması oyunumuza təsir etdi. Qalib gəlmək vacib idi. Sevindirici haldır ki, əvəzetmələrimiz özünü doğrultdu və lazım olan qələbəni qazandıq”.
Xatırladaq ki, Monteneqro-Azərbaycan oyunu 2:0 hesabı ilə meydan sahiblərinin xeyrinə başa çatıb.
Bölmənin digər xəbərləri
