Fərid Qayıbov Azərbaycan Qılıncoynatma Federasiyasının fəaliyyəti ilə maraqlanıb
Bakı, 14 noyabr, Nicat Məmmədov, AZƏRTAC
Gənclər və idman naziri Fərid Qayıbov Azərbaycan Qılıncoynatma Federasiyasında (AQF) olub.
Nazirliyin mətbuat xidmətindən AZƏRTAC-a bildiriblər ki, milli komanda üzvləri ilə görüşən Fərid Qayıbov onların məşq proseslərini izləyib, yaradılmış şəraitlə maraqlanıb.
AQF-nin baş katibi Vasif Məmmədov nazirə federasiyanın fəaliyyəti, gənc idmançıların məşq prosesi, qarşıdakı yarışlara hazırlıq və gələcək planlar barədə məlumat verib. Mütəxəssislərlə müzakirələr aparan nazir qeyd olunan məsələlərə dair tövsiyələrini verib.
Görüşdə AQF-nin İcraiyyə Komitəsinin üzvü Balakişi Qasımov, şpaqa üzrə milli komandanın baş məşqçisi Sudef Quliyev iştirak ediblər.
Bölmənin digər xəbərləri
