Finlandiya ABŞ-la müdafiə sahəsində əməkdaşlığı gücləndirir
Bakı, 11 avqust, AZƏRTAC
Finlandiya ABŞ-la müdafiə sahəsində əməkdaşlıq haqqında sazişi müzakirə edir.
AZƏRTAC xəbər verir ki, bu barədə “Yle” yayım portalı bildirib.
"Müzakirə olunan sazişin parlamentdə təsdiqi üçün üçdə iki səs tələb oluna bilər. Finlandiyanın NATO-ya üzvlüyü üçün bu tələb olunmurdu", - portal qeyd edir.
Razılaşmanın məqsədi ABŞ-ın Finlandiyadakı hərbi obyektlərini və ərazilərini, məsələn, təlim, silahların saxlanması və texnikaya qulluq üçün təmin etməkdir.
Sənəd başqa dövlətin qoşunlarına Finlandiyada hərbi təlimlər zamanı olduğundan daha uzun müddət qalmağa imkan verəcək.
Bölmənin digər xəbərləri
