SİYASƏT
GUAM ölkələri nəqliyyat kommunikasiyaları sahəsində əməkdaşlığın gücləndirilməsini müzakirə ediblər
![GUAM ölkələri nəqliyyat kommunikasiyaları sahəsində əməkdaşlığın gücləndirilməsini müzakirə ediblər](/files/2024/2/1200x630/17185138216363628320_1200x630.jpg)
Kiyev, 16 iyun, AZƏRTAC
GUAM-ın ticarət və nəqliyyatın tənzimlənməsi layihəsinin rəhbər Komitəsinin 37-ci onlayn formatda iclası keçirilib.
AZƏRTAC xəbər verir ki, tərəflər 2024-cü ildə GUAM-a üzv dövlətlərdə gömrük sektorunda aparılan islahatları müzakirə ediblər.
İclasda həmçinin nəqliyyat kommunikasiyaları sahəsində əməkdaşlığın gücləndirilməsi və GUAM Nəqliyyat Dəhlizi layihəsinin həyata keçirilməsi üçün konkret addımların atılması, o cümlədən xarici tərəfdaşlarla əməkdaşlığın genişləndirilməsi də müzakirə olunub.
Bu sahədə birgə layihələrin qiymətləndirilməsi qərara alınıb.
Emil Hüseynli
AZƏRTAC-ın xüsusi müxbiri
Kiyev