Gümüş medal qazanan Azərbaycan badmintonçusu: Texniki səhvlər və zədə üzündən uduzdum VİDEO
Bakı, 5 oktyabr, AZƏRTAC
Özümdən qızıl medal gözləyirdim.
AZƏRTAC xəbər verir ki, bu sözləri III MDB Oyunlarında gümüş medal qazanan Azərbaycan badmintonçusu Leyla Camalzadə deyib.
O, texniki səhvləri və zədəsi üzündən qızıl medal qazana bilmədiyini söyləyib: “Təəssüf ki, finalda məğlub oldum. Birincilik uğrunda yarışırdım. Lakin bu mərhələyə kimi gəlib çıxmaq da böyük uğur sayılır. Rusiyalı rəqibim Marina Tarasova çox güclü idi. Baxmayaraq ki, mən də ondan geri qalmırdım və müqavimət göstərirdim”.
Qeyd edək ki, Azərbaycan millisi turniri 6-sı bürünc, 1-i gümüş olmaqla ümumilikdə 7 medalla başa vurub.
Bölmənin digər xəbərləri
