Gürcüstan hökuməti ölkədəki dini icmalar üçün 5,5 milyon lari yardım ayırıb
Tbilisi, 17 yanvar, AZƏRTAC
Gürcüstan hökuməti cari ildə ölkədəki dini icmalara yardım məqsədilə 5,5 milyon məbləğində vəsait ayırıb. Vəsait 2023-cü ilin dövlət büdcəsindən ödəniləcək.
Bu barədə AZƏRTAC-a Gürcüstanın Dini Məsələlər üzrə Dövlət Agentliyindən məlumat verilib.
Bildirilib ki, vəsaitin 3,5 milyonu ölkənin müsəlman icmasına veriləcək. Qalan vəsait Gürcüstanın Yəhudi İcması (500 min), Erməni apostol kilsəsi (1 milyon lari) və Roma Katolik Xristian İcması (650 000 lari) arasında bölüşdürüləcək.
Qeyd edək ki, Gürcüstan hökuməti 2022-ci ildə də mərhələli şəkildə dini icmalara yardım etmişdi. Hökumət əvvəlcə dini icmala 4,5 milyon lari ayırmışdı. Sonradan hökumət başçısının ehtiyat fondundan daha 1 milyon lari ayrılmışdı.
Xatırladaq ki, Gürcüstan əhalisinin 11 faizə yaxınını müsəlmanlar təşkil edir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
