Gürcüstan parlamentinin deputatları Baltikyanı ölkələrlə dostluq qruplarına daxil olmaqdan imtina ediblər
Tbilisi, 9 iyun, AZƏRTAC
Gürcüstan Parlamentinin bürosunda bir sıra ölkələrin parlamentləri ilə dostluq qruplarının tərkibi təsdiqlənib. Lakin deputatlar Latviya, Litva və Estoniyanın parlamentləri ilə dostluq qruplarının tərkibinə daxil olmaqdan imtina ediblər.
AZƏRTAC xəbər verir ki, bu barədə parlamentdən məlumat verilib. Bildirilib ki, adıçəkilən ölkələrin parlamentləri ilə dostluq qruplarının yaradılmasına dair siyasi qərar qəbul edilib, lakin deputatlar onlara qoşulmaqdan imtina ediblər və bu səbəbdən də həmin qrupların tərkibi təsdiq olunmayıb.
Gürcüstan parlamentinin sədri Şalva Papuaşvili deyib ki, deputatların bu addımı həmin üç ölkənin gürcü xalqına qarşı qeyri-dost siyasəti ilə bağlıdır.
“Ümid edirəm ki, Litva, Latviya və Estoniya parlamentləri gürcü xalqına qarşı dostluq siyasətinə qayıdacaqlar. Bu bizə müvafiq dostluq qruplarını tamamlamaq imkanı verəcək. Biz bu ölkələrlə dostluq qrupları yaratmaq barədə siyasi qərar qəbul etdik, lakin onları tamamlaya bilmədik”, – deyə Papuaşvili bildirib.
Tbilisi
Bölmənin digər xəbərləri
