REGİONLAR
Hacıqabulda ətraf mühiti zibilləyən 5 nəfər məsuliyyətə cəlb edilib
![](/files/galleryphoto/2023/2/1200x630/1689414751430024502_1200x630.jpg)
![](/files/galleryphoto/2023/2/1200x630/16894147511847234152_1200x630.jpg)
![](/files/galleryphoto/2023/2/1200x630/1689414751940029187_1200x630.jpg)
Hacıqabul, 15 iyul, Aydın Yavərzadə, AZƏRTAC
Hacıqabul rayonunda ətraf mühiti məişət tullantıları ilə zibilləyən şəxslər barəsində tədbirlər görülüb.
Daxili İşlər Nazirliyi mətbuat xidmətinin Şirvan regional qrupundan AZƏRTAC-ın bölgə müxbirinə verilən məlumata görə, sanitar-gigiyena qaydalarının pozulması hallarının qarşısının alınması məqsədilə Hacıqabul Rayon Polis Şöbəsinin əməkdaşları tərəfindən keçirilən tədbirlər zamanı rayon ərazisində məişət tullantılarının müəyyən edilmiş yerlərdən kənara atılması və ətrafın zibillənməsi halları aşkar edilib. İnzibati Xətalar Məcəlləsinin 266.3-cü (Məişət tullantılarının tutumlardan (urnalardan) kənar yerlərə atılmasına görə) maddəsinin tələbini pozduğuna görə 5 nəfər Hacıqabul rayon sakini barəsində inzibati qaydada protokol tərtib olunub və onların hər biri məsuliyyətə cəlb olunublar. Bu istiqamətdə tədbirlər davam etdirilir.