Hacıqabullular Xocalı faciəsi qurbanlarının xatirəsini dərin hüznlə yad etmişlər
Hacıqabul, 26 fevral (AZƏRTAC). Fevralın 25-də Hacıqabul şəhərindəki “Şəhidlər” abidə kompleksi önündə keçirilən anım mərasimində Xocalı soyqırımı qurbanlarının xatirəsi dərin hüznlə yad edilmişdir.
AZƏRTAC xəbər verir ki, rayonun rəhbər işçiləri, idarə, müəssisə və təşkilatların əməkdaşları, yaşlı nəslin, gənclərin və ictimaiyyətin nümayəndələri abidə önünə əklillər və gül dəstələri düzmüşlər. Burada soyqırımı qurbanlarının ruhuna dualar oxunmuşdur.
Mərasim şəhər klubunda davam etmişdir.
Hacıqabul Rayon İcra Hakimiyyəti başçısının birinci müavini Sahib Aslanov Xocalı soyqırımının 20-ci ildönümü ilə bağlı məruzə etmişdir.
Toplantıda çıxış edənlər Xocalı faciəsinin insanlığın tarixinə ən dəhşətli terror aktı, soyqırımı kimi daxil olduğunu bildirmiş, bu faciəni iki əsrdən çox bir müddətdə erməni cəlladları tərəfindən azərbaycanlılara qarşı etnik təmizləmə siyasətinin davamı və ən qanlı səhifəsi adlandırmışlar.
Mərasimdə Xocalı faciəsinin dəhşətlərini əks etdirən sənədli film və ədəbi-bədii kompozisiya nümayiş etdirilmişdir.
Bölmənin digər xəbərləri
