Hesablama Palatası maliyyə auditlərinin nəticələrinin ümumiləşmiş təhlilinə xüsusi diqqət yetirir
Bakı, 30 avqust, AZƏRTAC
Hesablama Palatası aparılmış maliyyə auditlərinin nəticələrinin ümumiləşmiş təhlilinə xüsusi diqqət yetirir. Belə bir təhlil ilə xarakterik zəifliklər müəyyən edilir.
AZƏRTAC xəbər verir ki, bu barədə Hesablama Palatasının auditoru Hilal Hüseynov avqustun 30-da Bakıda Azərbaycan Respublikası Hesablama Palatasının ev sahibliyi ilə keçirilən INTOSAI-in Maliyyə Auditi və Mühasibatlıq üzrə Alt-komitəsinin illik toplantısında deyib.
“Misal üçün, zəifliklərin səbəblərinin təhlili göstərir ki, bu sahədə yaranan problemlər həm hesablama əsaslı uçotun fəlsəfəsinin başa düşülməməsindən, həm də peşəkar potensial boşluqlarının olmasından irəli gəlir. Bundan əlavə, müvafiq hüquqi bazanın təkmilləşdirilməsi, təkmil İT infrastrukturun qurulması, ictimai sektorun maliyyə hesabatları mövzusunda tədbirlərin fəal şəkildə təşkil edilməsi də olduqca əhəmiyyətlidir. Bu istiqamətdə fəaliyyətimizin daha da gücləndirilməsi üçün həmkarlarımız tərəfindən irəli sürülə biləcək təkliflərə də maraqlı olduğumuzu buradan bildirmək istərdim”, - deyə H.Hüseynov qeyd edib.
Bölmənin digər xəbərləri
