“Heydər Əliyev İli” çərçivəsində XII Azərbaycan Beynəlxalq Geofizika Konfransı keçirilir
Bakı, 27 aprel, AZƏRTAC
“Heydər Əliyev İli” çərçivəsində aprelin 26-dan 28-dək Bakıda Azərbaycan Respublikası Dövlət Neft Şirkətinin (SOCAR) Geofizika və Geologiya İdarəsinin təşkilatçılığı ilə XII Azərbaycan Beynəlxalq Geofizika Konfransı keçirilir.
SOCAR-dan AZƏRTAC-a bildirilib ki, tədbir çərçivəsində Ulu Öndər Heydər Əliyevin 100 illik yubileyinə həsr olunmuş sərgi nümayiş etdirilib.
Konfransı açan SOCAR-ın Geofizika və Geologiya İdarəsinin rəisi Elçin Şirinov Ümummilli Lider Heydər Əliyevin zəngin və mənalı həyat yolundan bəhs edib, Ulu Öndərin ölkəmizin neft sənayesinin inkişafı istiqamətindəki misilsiz xidmətləri barədə məlumat verib. Sonra Ulu Öndərin müəllifi olduğu Azərbaycanın enerji strategiyasından bəhs edən videoçarx nümayiş olunub.
Çıxış edən SOCAR-ın baş geoloqu Arzu Cavadova Azərbaycanın kəşf olunmamış karbohidrogen ehtiyatlarının mövcudluğuna, mövcud yataqların hələ açılmamış məhsuldar qatlarının potensialının qiymətləndirilməsi imkanlarına toxunub.
Konfransda “Xəzər regionu və oxşar geoloji əyalətlərdə karbohidrogen resurslarının mənimsənilməsində geofiziki tədqiqatların rolu” mövzusunda 47 şifahi, 37 stend mühazirələrinin keçirilməsi nəzərdə tutulur.
Bölmənin digər xəbərləri
