HİNDİSTAN SAHİBKARLARININ BİR QRUPU BAKIYA GƏLƏCƏK

08.01.2004 [21:46]
Çap et
A⁺ A^-

Hindistanın ölkəmizdəki səfirliyindən AZƏRTAC-ın müxbirinə bildirmişlər ki, yanvarın 16-da Hindistan sahibkarlarının bir qrupu Bakıya gələcəkdir. Onlar azərbaycanlı həmkarları ilə iqtisadiyyatın müxtəlif sahələrində əməkdaşlıq yaradılması barədə danışıqlar aparacaqlar. Sahibkarlar arasında neft məhsulları və yanacaq materiallarının keyfiyyətini yaxşılaşdıran maddələr, kimya və metallurgiya sənayesi məhsulları istehsalı, pambıqçılıq və digər istiqamətlərdə fəaliyyət göstərən şirkətlərin nümayəndələri var.

Xatırladaq ki, ötən ilin dekabrında Bakıda işgüzar səfərdə olmuş Hindistan xarici işlər nazirinin müavini Racendra Madhukar Abxyankar ölkəsinin iqtisadi sahədə, o cümlədən neft sahəsində Azərbaycanla sıx əlaqələr yaradılmasında maraqlı olduğunu bildirmişdir.

Hindistan şirkətlərinin nümayəndələri Azərbaycandan sonra Qazaxıstan, Özbəkistan və Qırğızıstanda da olacaqlar.