İDMAN SAHƏSİNDƏ METODİK VƏSAİTLƏR NƏŞR OLUNMUŞDUR
Gənclər, İdman və Turizm Nazirliyi “Gənc idmançıların fizioloji hazırlığının diaqnostikası” və “Olimpiyaçı boksçuların döyüşlərinin nəticələrinin proqnozlaşdırılması” adlı metodik vəsaitlər hazırlayaraq nəşr etdirmişdir. Nazirliyin elm və təhsil şöbəsinin rəisi, vəsaitlərin müəlliflərindən biri Firudin Qurbanov AZƏRTAC-ın müxbirinə bildirmişdir ki, idman məktəblərinin məşqçiləri, idman həkimləri, Olimpiya ehtiyat qüvvələri litseyinin müəllimləri, idmanı idarəetmə orqanlarının rəhbərləri üçün nəzərdə tutulmuş birinci nəşrdə gənc orqanizmin fizioloji parametrlərinin morfoloji xüsusiyyətlərinin kompleks təhlili, müxtəlif intesivli idman məşğələlərinin gənc idmançılara təsiri öz əksini tapmışdır. Nəşrin müəlliflərindən biri Azərbaycan Dövlət Bədən Tərbiyəsi və İdman Akademiyasının professoru Rafiq Qaibovdur.
İkinci nəşrdə sonuncu üç Olimpiya oyunlarında boksçuların final döyüşlərinin hərtərəfli təhlili verilmişdir. Vəsait boks üzrə milli Olimpiya yığma komandasının məşqçilərinə yaxşı kömək olacaqdır. Vəsaitin həmmüəllifi Azərbaycan Boks Federasiyasının prezidenti Ağacan Abiyevdir.
Bölmənin digər xəbərləri
