“İDMAN VƏ OLİMPİZM” MÜSABİQƏSİNİN QALİBLƏRİNƏ MÜKAFATLAR TƏQDİM EDİLDİ

09.08.2004 [20:58]
Çap et
A⁺ A^-

AZƏRTAC xəbər verir ki, Milli Olimpiya Komitəsində hər il keçirilən “İdman və olimpizm” müsabiqəsinin qaliblərinə mükafatların təqdim edilməsi mərasimi olmuşdur. Müsabiqədə 42 rəssam və heykəltəraş iştirak etmişdir. “Heykəltəraşlıq” nominasiyasında Natiq Əliyev “Məşq” əsəri ilə birinci, Xanlar Əhmədov “Olimpiya nüvəsi” əsəri ilə ikinci, Arif Qazıyev isə “Oxatanlar” əsəri ilə üçüncü yeri tutmuşlar.

“Qrafika-rəngkarlıq” nominasiyasında birinci yer Telman Abbasova (“Nəsillərdən nəsillərə”), ikinci yer Rövşən Məmmədova (“Karate”), üçüncü yer Arif Mərdanova (“Qələbəyə doğru irəli”) verilmişdir.

Hər iki nominasiyada həvəsləndirici mükafatlar da ayrılmışdır.

MOK-un vitse-prezidentləri Çingiz Hüseynzadə və Xəzər İsayevin iştirak etdikləri mərasimdə qaliblərə mükafatlar təqdim olunmuşdur.