İDMANÇILARIMIZ DÜNYA ÇEMPİONATINA HAZIRLAŞIRLAR

10.10.2005 [11:04]
Çap et
A⁺ A^-

AZƏRTAC xəbər verir ki, oktyabrın 16-23-də Almaniyanın Dessau şəhərində pauerliftinq üzrə növbəti dünya çempionatı keçiriləcəkdir.

Bu mötəbər yarışda ölkəmizin idman şərəfini Azərbaycan Pauerliftinq Federasiyasının prezidenti Ələddin Əliyevin rəhbərliyi ilə atletlərimiz - dünya kubokunun sahibi Vüsal Mərdanov, bir neçə beynəlxalq turnirin qalibləri İbrahim İbrahimov, Bayram Əliyev, Azərbaycan çempionları Bəxtiyar Quliyev, Rüstəm Musayev, Kamil Qafarov və Əli Əsgərov qoruyacaqlar.

Hazırda atletlərimiz federasiyanın idman bazasında təlim-məşq

toplanışında iştirak edirlər. Ələddin Əliyev beynəlxalq dərəcəli hakim kimi yarışları idarə edənlər arasında olacaqdır.