İdmançıların qida əlavəsi Altsheymer xəstəliyinin qarşısını ala bilərmi
Bakı, 24 iyul, AZƏRTAC
Altsheymer kimi tanınan və daha çox yaşlı insanlarda müşahidə olunan yaddaş pozuntusuna bu dəfə idmançıların pəhriz proqramı çarə oldu.
AZƏRTAC “ScienceDaily” saytına istinadla xəbər verir ki, kanadalı alim Kalipada Pahanın araşdırmasına görə, idmançıların qida əlavəsi olaraq istifadə olunan HMB birləşməsi yaddaş pozuntusunun qarşısını almağa kömək edir. HMB tam təbii tərkiblidir və hətta uzunmüddətli istifadə zamanı heç bir əks təsirə səbəb olmur. Siçanlar üzərində aparılan təcrübə nəticəsində müəyyən olunub ki, HMB beyində faydalı proteinləri artıraraq Altsheymer əlamətlərinin qarşısını alır.
Hazırda adıçəkilən qida əlavəsinin köməyilə hazırlanılan yeni dərman həbi üzərində təcrübələr davam edir.
Bölmənin digər xəbərləri
