İƏT-in İqtisadi və Ticarət Əməkdaşlığı Daimi Komitəsinin nümayəndələri Maliyyə Nazirliyində olublar
Bakı, 18 iyun, AZƏRTAC
Maliyyə Nazirliyində İslam Əməkdaşlıq Təşkilatının (İƏT) İqtisadi və Ticarət Əməkdaşlığı Daimi Komitəsinin (COMCEC) Əlaqələndirmə Ofisinin nümayəndələri ilə görüş keçirilib.
Maliyyə Nazirliyindən AZƏRTAC-a bildirilib ki, Ekologiya və Təbii Sərvətlər Nazirliyi və Mərkəzi Bankın nümayəndələrinin iştirakı ilə keçirilən görüşdə COMCEC-in təqdim etdiyi “İƏT-ə üzv ölkələrdə iqlim dəyişiklikləri və təbii fəlakətlərin mənfi təsirləri ilə mübarizə üçün davamlı və ətraf mühit üçün dost islam maliyyə alətlərinin təşviqi” mövzusunda araşdırma layihəsi müzakirə edilib. Həmçinin qeyd olunan mövzu ilə bağlı cari siyasət, təcrübələr və gələcək imkanlar barədə fikir mübadiləsi aparılıb.
Diqqətə çatdırılıb ki, COMCEC tərəfindən sözügedən layihə ilə bağlı Azərbaycan ilə yanaşı İndoneziya, Nigeriya, Qətər və İngiltərənin təcrübəsi araşdırılır.
Bölmənin digər xəbərləri
