İki ayda satılmış məhsulların və göstərilmiş xidmətlərin dəyəri 7,5 milyard manat olub
Bakı, 25 mart, AZƏRTAC
2020-ci ilin yanvar-fevral aylarında istehlakçıların tələbatlarının ödənilməsi məqsədilə satılmış məhsulların və göstərilmiş xidmətlərin dəyəri 7,5 milyard manat olmaqla, 2019-cu ilin eyni dövrünə nisbətən müqayisəli qiymətlərlə 3,7 faiz artıb.
Dövlət Statistika Komitəsindən AZƏRTAC-a bildirilib ki, qeyri-dövlət sektorunun təsərrüfat subyektləri tərəfindən satılmış məhsulların və göstərilmiş xidmətlərin dəyəri ötən ilin yanvar-fevral aylarının səviyyəsini real ifadədə 3,7 faiz üstələyərək 7,2 milyard manata bərabər olub, onun 46,5 faizi fərdi sahibkarların fəaliyyəti sayəsində formalaşıb.
Hesabat dövründə istehlak bazarında bir istehlakçı orta hesabla ayda 376,5 manatlıq və ya 2019-cu ilin eyni dövrü ilə müqayisədə 19,5 manat çox əmtəə alıb və ödənişli xidmətlərdən istifadə edib.
Bölmənin digər xəbərləri
