İki gündür axtarışda olan sörfçülər İndoneziya sahillərində tapılıblar
Bakı, 17 avqust, AZƏRTAC
Dörd avstraliyalı turist - Elliot Foote, Steph Weiss, Jordan Short və Will Tiagle avqustun 13-də İndoneziyanın Sumatra adasından təxminən 150 kilometr aralıda yerləşən Nias adasının yaxınlığında yoxa çıxıblar.
AZƏRTAC xarici mətbuata istinadla xəbər verir ki, iki gündür axtarılan turistlər İndoneziya sahillərində sörfinq taxtasının üzərində tapılıblar.
Elliot Footenin atası Peter Foote AP xəbər agentliyinə oğlunun 30 yaşını qeyd etmək üçün dostları ilə adaya tətilə getdiyini söyləyib.
Adadan yola düşən qayığın pis hava şəraiti səbəbindən sürükləndiyi və açıq dənizdə itdiyi bildirilib.
Bundan sonra Avstraliya və İndoneziya hakimiyyət orqanları avqustun 14-də birgə axtarış-xilasetmə əməliyyatına başlayıb. Axtarışda bölgədəki sörfçülərin dostları və balıqçı qayıqları da iştirak edib.
Xilasedicilər avqustun 15-də avstraliyalı turistlərin üçünü sörf lövhələrində tapıblar. Lakin Elliot onların arasında olmayıb. Xilasedicilər 5 kilometr uzaqlıqdakı adaya gedərkən suda qalan Elliotu da xilas ediblər.
Bölmənin digər xəbərləri
