İkinci yeri tutan Azərbaycan atıcısı: Qızıl medala çox yaxın idim
Qəbələ, 30 sentyabr, AZƏRTAC
Qızıl medala çox yaxın idim. Amma alınmadı. Ümid edirəm ki, gələn dəfə fəxri kürsünün ən yüksək pilləsinə qalxacağam.
AZƏRTAC xəbər verir ki, bu sözləri III MDB Oyunlarında oğlanların yarışında gümüş medal qazanan Azərbaycanın stend atıcısı Cavid Həsənov deyib.
O, çıxışından razı qaldığını bildirib: “Şükürlər olsun ki, əziyyətim yerdə qalmadı. Azarkeşlər də dəstəyini əsirgəmədilər. Bu, mənə əlavə stimul verdi. Rəqiblər də olduqca güclü idi. Maraqlı final alındı”.
Qeyd edək ki, stend atıcılığı üzrə yarışlara oktyabrın 1-də yekun vurulacaq.
Bölmənin digər xəbərləri
