İmişlidə Araz çayında batan ata və oğulun meyitləri çıxarılıb – YENİLƏNİB
İmişli, 11 iyul, Aydın Yavərzadə, AZƏRTAC
İmişlidə Araz çayında batan 2018-ci il təvəllüdlü Rəvan Əliyevin də cəsədi sudan çıxarılıb.
AZƏRTAC-ın bölgə müxbiri xəbər verir ki, 5 yaşlı uşağın cəsədi 1 kilometr aralıda tapılıb.
Qeyd edək ki, hadisə bu gün saat 15 radələrində baş verib. Belə ki, İmişlinin Şahverdili kəndi ərazisindən keçən Araz çayında həmin kəndin sakinləri - Asif Əliyev və onun övladı Rəvan Əliyevin batması barədə FHN-in "112" qaynar telefon xəttinə məlumat daxil olub. Dərhal hadisə yerinə FHN-in dalğıcları cəlb edilib.
Sudan çıxarılan cəsədlər aidiyyəti üzrə təhvil verilib.
16:56
İmişli rayonunun Şahverdili kəndi ərazisindən keçən Araz çayında biri uşaq olmaqla, iki nəfər batıb.
AZƏRTAC-ın bölgə müxbiri xəbər verir ki, hadisə saat 15 radələrində baş verib. Əraziyə FHN-in dalğıcları cəlb edilib.
Axtarışlar zamanı adı çəkilən kəndin sakini Asif Əliyevin cəsədi sudan çıxarılaraq aidiyyəti üzrə təhvil verilib.
Hazırda ikinci şəxsin axtarışları davam etdirilir.
Bölmənin digər xəbərləri
