İmmi Mustafayeva: Doğulduğumuz yerlərə qayıtmaqla tarixi anlar yaşayırıq
Bakı, 11 sentyabr, AZƏRTAC
Füzulidən məcburi köçkün düşəndə 35 yaşım var idi. Bu gün 65 yaşımda doğma yurduma qayıdıram. Ötən illər ərzində ermənilərin torpaqlarımızı işğal etmələri nəticəsində çox əziyyətlər çəkmişik, yurd həsrəti ilə yaşamışıq. Şükürlər olsun ki, bu gün arzularımız reallaşır. Torpaqlarımızın işğaldan azad olunmasında əməyi keçən hamıya minnətdarıq.
Bu sözləri AZƏRTAC-a müsahibəsində doğma yurduna qayıdan Füzuli sakini İmmi Mustafayeva söyləyib.
Köçkünlük müddətində dövlətin qayğısı ilə əhatə olunduqlarını bildirən İ.Mustafayeva deyib: “Azərbaycan Prezidentinə, Ordumuza minnətdarıq ki, uşaqlığımızı, gəncliyimizi keçirdiyimiz yerləri bizə qaytardı. Biz öz doğulduğumuz yerlərə qayıtmaqla tarixi anlar yaşayırıq”.
Bölmənin digər xəbərləri
