İngiltərə xəstəxanalarında qan ehtiyatlarının çatışmazlığı yaranıb
London, 28 avqust, AZƏRTAC
İngiltərənin qan donor xidməti “NHS Blood and Transplant” ehtiyatların azaldığını bildirib və yeni donorların cəlb edilməsi üçün təcili çağırış edib.
AZƏRTAC xəbər verir ki, qurum iyul ayında verilən “narıncı xəbərdarlıq”dan sonra qan ehtiyatlarında müəyyən yaxşılaşma müşahidə edildiyini deyib. Ancaq bildirilib ki, xəstəxanalarda müalicə alan xəstələrin qayğısının təhlükə altına düşməsi riski hələ də mövcuddur. Həmçinin yaxın aylarda qan vermək üçün növbə götürən insanların sayında azalma müşahidə olunub.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
