İran İsrailə raket buraxılışının azaldılmasını taktika dəyişikliyi ilə izah edir
Bakı, 21 iyun, AZƏRTAC
İran İsrailə atılan raketlərin sayını arsenalı tükəndiyinə görə deyil, bu cür silahlardan istifadəyə yanaşma tərzinin dəyişdiyinə görə azaldıb.
AZƏRTAC xəbər verir ki, CNN telekanalı bu barədə İran hakimiyyətinin yüksəkvəzifəli nümayəndəsinə istinadla məlumat yayıb.
Telekanalın mənbəyinin sözlərinə görə, İran İsrailə zərbələr baxımından kəmiyyətdən keyfiyyətə keçib. Tehran çox sayda raket buraxmaq əvəzinə, mühüm hərbi mərkəzlərə qarşı daha müasir və yüksək dəqiqlikli raketlərdən istifadə etməyə başlayıb. Həmin raketlər THAAD raketdən müdafiə batareyaları, “Patriot”, “Hetz”, “David's Sling” və “Dəmir Günbəz” zenit-raket kompleksləri ilə təchiz olunan İsrail hava hücumundan müdafiə səddini asanlıqla keçir.
Qeyd edək ki, bir müddət öncə SAXAL-ın baş qərargah rəisi general-leytenant Eyal Zamir İsrailin İrana hava zərbələri endirməsinin səbəblərindən birinin Tehranın raket proqramı olduğunu iddia edib.
Bölmənin digər xəbərləri
