İstanbul Böyükşəhər Bələdiyyəsi sədrinin yeni vəkili seçilib
İstanbul, 26 mart, Günel Karatepe, AZƏRTAC
İstanbulda Böyükşəhər Bələdiyyəsi (İBB) sədrinin vəkili vəzifəsi ilə bağlı keçirilən səsvermə başa çatıb. Seçkinin nəticələrinə görə, Türkiyənin müxalif Cümhuriyyət Xalq Partiyasının (CHP) namizədi Nuri Aslan “korrupsiya” ittihamı ilə həbs edilən Əkrəm İmamoğlunun yerinə İBB sədrinin vəkili (müvəqqəti icraçı) seçilib.
AZƏRTAC xəbər verir ki, yerli vaxtla saat 13:00-da başlayan seçkidə bələdiyyə məclisinin 314 üzvü səs verib, onların arasında CHP-lilər çoxluq təşkil edir.
Xatırladaq ki, bu gün İstanbulda daha bir seçki şəhərin Beylikdüzü rayonu üzrə keçirilib və bu səsvermədə bələdiyyə sədrinin vəkili olaraq Önder Serkan Çebi müəyyən edilib.
Martın 23-də məhkəmə prosesi nəticəsində həbsinə qərar verilən İBB başçısı Əkrəm İmamoğlu, şəhərin Beylikdüzü ilə Şişli rayon bələdiyyələrinin sədrləri Mehmet Murat Çalık və Resul Emrah Şahan müvəqqəti tədbir olaraq vəzifələrindən kənarlaşdırılıblar. İstanbul Valiliyinin qərarı ilə Şişli kaymakamı bu rayon üzrə bələdiyyə sədrinin vəkili olaraq təyin edilib.
Bölmənin digər xəbərləri
