İtaliyada doğum səviyyəsi kəskin aşağı düşüb
Roma, 1 aprel, AZƏRTAC
İtaliyada doğum səviyyəsi kəskin azalıb. Hər qadın üçün doğum nisbəti 1995-ci ildəki göstəricidən aşağı düşərək tarixi minimuma enib.
AZƏRTAC xəbər verir ki, bu barədə İtaliya Milli Statistika İnstitutu (ISTAT) məlumat yayıb.
Ötən il İtaliyada 370 min uşaq doğulub. 2023-cü ildə bu göstərici 526 min idi. 2024-cü ildə hər qadına üçün doğum nisbəti 1,18 uşaq olmaqla 1995-ci ildəki minimum 1,19-luq göstəricidən də aşağı düşüb.
Keçən il İtaliyada ömür uzunluğu 2023-cü ilə nisbətən 5 ay artaraq 83,4 yaşa çatıb. Ölkədə doğuş qabiliyyətinin azalması ilə yanaşı, orta doğuş yaşı da artaraq 32,6-ya yüksəlib.
Bundan başqa, 2024-cü ilin sonuna daimi əhalinin sayı əvvəlki ilin müvafiq dövrü ilə müqayisədə 37 min nəfər azalaraq 58 milyon 934 min nəfərə enib. Əhali sayındakı azalma 2014-cü ildən fasiləsiz davam edir.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
