İyulda “Azəristiliktəchizat” ASC-nin “Çağrı mərkəzi”nə 373 vətəndaş müraciət edib
Bakı, 10 avqust, AZƏRTAC
Bu ilin iyul ayı ərzində “Azəristiliktəchizat” Açıq Səhmdar Cəmiyyəti (ASC) “Çağrı mərkəzi” vasitəsilə 373 vətəndaş müraciəti qəbul edilib.
ASC-nin mətbuat xidmətindən AZƏRTAC-a bildirilib ki, müraciətlərin 149-u istilik və isti su təchizatı xidmətləri və borcla əlaqədar, 224-ü isə digər məsələlərlə bağlı olub. Vətəndaşların sualları operativ şəkildə cavablandırılıb, araşdırma tələb edən müraciətlər aidiyyəti üzrə müvafiq struktur bölmələrinə və tabeli qurumlara yönləndirilib, müraciət edən şəxslər araşdırmaların nəticələri barədə məlumatlandırılıblar.
“Azəristiliktəchizat” ASC vətəndaşların müraciətlərinin vaxtında qəbul edilməsi və işlənilməsini təmin etmək məqsədilə 956 “Çağrı mərkəzi”nin fəaliyyətini müasir avadanlıqlar və texnologiyalar tətbiq etməklə daha da təkmilləşdirib, analoq sistemdən rəqəmsal sistemə keçid edilib. Zənglərdə növbəlilik sistemi təmin olunub, 20 zəngi eyni anda qəbul etmə imkanı yaradılıb.
Bölmənin digər xəbərləri
