Kanadada avtobus qəzaya uğrayıb, 15 nəfər ölüb
Bakı, 16 iyun, AZƏRTAC
Kanadanın Karberi şəhəri (Manitoba) yaxınlığındakı magistral yolda baş verən yol qəzasında azı 15 nəfər ölüb, daha 10 nəfər xəsarət alıb.
AZƏRTAC xəbər verir ki, bu barədə CTV telekanalı məlumat yayıb.
Bildirilib ki, qəza yük maşını və mikroavtobusun iştirakı ilə baş verib. Sərnişinlərin əksəriyyəti təqaüdçülər olub. Qəzanın başqa təfərrüatları açıqlanmayıb.
Yaxınlıqdakı bütün yaşayış məntəqələrindən, eləcə də rayonun inzibati mərkəzi Vinnipeqdən həkim briqadaları qəza yerinə yola düşüb. Qəza bölgəsinə tibbi helikopterlər də gəlib.
Bölmənin digər xəbərləri
