Keçmiş ABŞ kəşfiyyatçısı: Fransa qoşunlarının Ukraynaya göndərilməsi nüvə müharibəsinə gətirib çıxaracaq
Bakı, 22 mart, AZƏRTAC
Xarici hərbi kontingentlərin Ukraynada peyda olması bir neçə gün ərzində nüvə müharibəsinə səbəb ola bilər.
AZƏRTAC xəbər verir ki, bu fikri keçmiş ABŞ kəşfiyyatçısı və hərbi analitik Skot Ritter “Judging Freedom” verilişində deyib.
“Mən istəyirəm ki, hamı başa düşsün: Fransa sona qədər gedib öz qoşunlarını Ukraynaya göndərsə, o zaman biz bir neçə gün ərzində başlaya biləcək nüvə müharibəsi yoluna qədəm qoyacağıq”, - deyə Skot Ritter əlavə edib.
Bundan əvvəl Rusiya Prezidentinin mətbuat katibi Dmitri Peskov bildirib ki, xarici hərbi kontingentlərin Ukraynaya yerləşdirilməsi son dərəcə mənfi, hətta düzəlməz nəticələrə səbəb olacaq.
Bölmənin digər xəbərləri
