Kişi həndbolçulardan ibarət millimiz təsnifat turnirinə qələbə ilə başlayıb
Bakı, 13 yanvar, AZƏRTAC
Kişi həndbolçulardan ibarət Azərbaycan millisi 2026-cı ildə keçiriləcək Avropa çempionatının təsnifat turnirinə qələbə ilə başlayıb.
AZƏRTAC xəbər verir ki, millimiz Bakı İdman Sarayında Malta yığması ilə qarşılaşıb. Üstün oyun nümayiş etdirən yığmamız fasiləyə 18:6 hesablı üstünlüklə yollanıb. Uğurlu çıxışını davam etdirən millimiz sonda 34:25 hesabı ilə qələbə qazanıb.
Yığmamız növbəti oyununu yanvarın 14-də Böyük Britaniya seçməsinə qarşı keçirəcək. Görüş saat 17:00-da başlayacaq.
Bölmənin digər xəbərləri
