Kiyevə hava hücumu edilib, azı 3 nəfər həlak olub
Kiyev, 23 mart, AZƏRTAC
Ukraynanın paytaxtı Kiyevə kütləvi hava hücumu edilib.
AZƏRTAC-ın xüsusi müxbirinin verdiyi məlumata görə, martın 22-si axşam saatlarından başlayaraq martın 23-nə keçən gecə boyu Kiyevdə hava hücumundan müdafiə sistemi işə düşüb, Ukrayna paytaxtında silsilə partlayış səsləri eşidilib.
Kiyev Şəhər Hərbi Administrasiyasının yaydığı məlumata görə, zərərsizləşdirilən kamikadze dronlarının düşməsi Kiyevin 5 rayonunda qeydə alınıb. Baş verən partlayış və yanğın nəticəsində azı 3 nəfər həlak olub, onlardan biri beş yaşlı uşaqdır. Səkkiz nəfər isə müxtəlif dərəcəli bədən xəsarətləri alıb.
Kiyevə edilən hava hücumu nəticəsində mülki infrastrukturda, xüsusilə hündürmərtəbəli yaşayış binalarında yanğın qeydə alınıb.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
