“Koroğlu” Nəqliyyat Mübadilə Mərkəzində perrondan kənar oturacaqlardan istifadəyə qadağa qoyulub
Bakı, 29 mart, AZƏRTAC
Xüsusi karantin rejiminin tətbiq edilməsinə baxmayaraq, hələ də bəzi vətəndaşlarımız özünütəcrid tədbirlərinə adekvat davranmırlar. Belə ki, “Koroğlu” Nəqliyyat Mübadilə Mərkəzində (NMM) perrondan kənar ərazidə insanlar müəyyən qrup halında toplaşır ki, bu da mövcud epidemik vəziyyətdə yoluxma riskini artırır.
Bakı Nəqliyyat Agentliyindən AZƏRTAC-a bildirilib ki, qeyd edilənlər nəzərə alınaraq, “Koroğlu” NMM-də perrondan kənar oturacaq yerlərindən istifadəyə qadağa qoyulub.
Vətəndaşlardan xahiş olunur ki, xüsusi karantin rejimi davam etdiyi müddətdə “Koroğlu” Nəqliyyat Mübadilə Mərkəzində yalnız müntəzəm marşrut xətləri üzrə avtobusların xidmətlərindən istifadə etsinlər. Həmçinin tövsiyə edilir ki, özünütəcrid tədbirlərinə uyğun davransınlar, digər şəxslərlə minimum kontaktda olub, insanların sıx toplaşdığı yerlərə getməkdən çəkinsinlər.
Bölmənin digər xəbərləri
