Kür çayının Qıraqkəsəmən məntəqəsində suyun səviyyəsində artım qeydə alınıb
Bakı, 6 yanvar, AZƏRTAC
Yanvarın 5-də Kür çayının Qıraqkəsəmən məntəqəsində suyun səviyyəsində 4 sm artım müşahidə olunub. Qanıx çayının Əyriçay məntəqəsində isə suyun səviyyəsində 1 sm azalma qeydə alınıb.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, Kür çayının aşağı axınında və Araz çayının Novruzlu məntəqəsində də suyun səviyyəsində azalma qeydə alınıb.
Hazırda Böyük Qafqazın Quba-Xaçmaz bölgəsi çaylarında sululuq ongünlük normanın 150-180, Kiçik Qafqazın çaylarında 110-200, Lənkəran-Astara bölgəsi çaylarında isə 50-60, Naxçıvan Muxtar Respublikası çaylarında isə 50 faizini təşkil edir.
Bölmənin digər xəbərləri
