Laçın-Xankəndi yolu: Sülhməramlıların avtomobil karvanının ərazidən keçidi təmin olunub
Şuşa, 22 fevral, Ceyhun Alışlı, AZƏRTAC
Rusiya sülhməramlılarına məxsus daha 21 avtomobil azərbaycanlı ekofəalların Laçın-Xankəndi yolunda dinc məqsədlə təşkil etdikləri aksiya ərazisindən sərbəst keçib.
AZƏRTAC-ın aksiya yerinə ezam olunmuş müxbiri xəbər verir ki, sülhməramlıların Laçından gələn 16-sı yük,5-i minik avtomobili olmaqla 21 avtomobil bu dəqiqələrdə Xankəndi istiqamətinə gedib.
Həmişə olduğu kimi, bu gün - ekoaksiyanın 73-cü günündə də sülhməramlılara məxsus nəqliyyat vasitələrinin ərazidən heç bir maneə olmadan hərəkət etmələri bir daha aksiyanın məramının dinc olduğunu nümayiş etdirir. Azərbaycanlı ekofəallar etirazların ilk günündən humanist prinsiplərə sadiqdirlər. Heç də siyasi xarakter daşımayan bu aksiya Qarabağ ərazisində faydalı qazıntı yataqlarının istismarına qarşıdır.
Qeyd edək ki, bu gün hazırkı vaxtadək sülhməramlıların 67 avtomobilinin aksiya ərazisindən maneəsiz keçidinə şərait yaradılıb.
Bölmənin digər xəbərləri
