LƏNKƏRANLI İDMANÇILAR RESPUBLİKA AĞIR ATLETİKA FEDERASİYASININ KUBOKUNA SAHİB OLMUŞLAR

12.10.2005 [15:40]
Çap et
A⁺ A^-

AZƏRTAC-ın müxbiri xəbər verir ki, Bakıda Azərbaycan Ağır Atletika Federasiyasının kuboku uğrunda keçirilən yarışlarda lənkəranlı idmançılar uğurla çıxış etmişlər.

100-dən artıq atletin 24 çəki dərəcəsində mübarizə apardığı respublika turnirində Lənkəran rayonunun idmançılarından Murad Orucov (56 kiloqram), Elvin Hümmətov (85 kiloqram) və Murad Nəsrullayev (69 kiloqram) birinci, Aydın Məmmədov (105 kiloqram), Nizam Rufullayev (62 kiloqram) ikinci, Rahim Nəsirov (56 kioqram), Mirabbas Rzayev (85 kiloqram) və Mirzağa Məmmədli (62 kiloqram) üçüncü yerləri tutmuşlar.

Ümumi komanda hesabında rayonun idmançıları birinci yeri tutaraq federasiyanın kubokuna sahib olmuşlar.

Lənkəranlı atletlər noyabrın 9-16-da Qətərdə keçiriləcək dünya çempionatında ölkəmizin idman şərəfini qoruyacaqlar.