Liviyalı futbolçu nə “Beşiktaş”a, nə də “Monako”ya lazım oldu
Bakı, 16 may, AZƏRTAC
İcarə əsasında Fransanın “Monako” komandasında çıxış edən Məhəmməd Əl-Musrati “Beşiktaş”a qayıdacaq.
AZƏRTAC Türkiyə mətbuatına istinadən xəbər verir ki, Liqa 1 təmsilçisi liviyalı yarımmüdafiəçinin birdəfəlik transfer hüququndan istifadə etməyəcək. Bu səbəbdən oyunçu müqavilə ilə məxsus olduğu İstanbul klubuna geri dönəcək.
Zədəyə görə mövsümü vaxtından əvvəl başa vuran 29 yaşlı futbolçu “Beşiktaş”a da lazım olmayıb. Belə ki, “qara qartallar”ın norveçli baş məşqçisi Ule-Qunnar Solskyaer sözügedən oyunçunu gələcək planlarına daxil etmək fikrində deyil.
Bölmənin digər xəbərləri
