MAMA-GİNEKOLOQLARIN III QURULTAYI

26.12.2003 [23:17]
Çap et
A⁺ A^-

Dekabrın 26-da Azərbaycan Tibb Universitetində mama-ginekoloqların III qurultayı öz işinə başlamışdır. 29 illik fasilədən sonra keçirilən qurultayda səhiyyə naziri Əli İnsanov ötən dövrdə Azərbaycanda tibb sahəsində, o cümlədən mama-ginekologiyanın inkişaf etdirilməsi istiqamətində görülmüş kompleks tədbirlərdən ətraflı danışdı. O bildirdi ki, ümummilli liderimiz Heydər Əliyevin diqqət və qayğısı sayəsində 1986-cı ildə Azərbaycan Mama-Ginekologiya Elmi Tədqiqat İnstitutu işə başlamışdır.

Nazir bu institutda fundamental tədqiqat işlərini gücləndirməyin zəruriliyini vurğulayaraq, qarşıdakı illərdə səhiyyəmizin bu sahəsinə diqqətin daha da artırılacağını söylədi. O bildirdi ki, Bakının səhiyyə-sağlamlıq ocaqlarında olan yeniliklər Prezident İlham Əliyevin tapşırığı ilə rayonların tibb ocaqlarında tətbiq ediləcəkdir.

Nazir respublikamızın səhiyyəsi üçün yüksək ixtisaslı kadrlar hazırlanmasında Tibb Universitetinin xidmətlərini xüsusi vurğuladı.

Ölkəmizin tanınmış mütəxəssisləri mama-ginekoloji xidmətin, bu sahədə elmi potensialın vəziyyəti və inkişaf yolları barədə öz mülahizələrini bildirdilər. Qurultayda ətraflı fikir mübadiləsi aparıldı.

Qurultay ginekologiyanın aktual problemlərini ətraflı müzakirə edəcək və bu sahənin inkişafı üçün tədbirlər müəyyənləşdirəcəkdir.

MAMA-GİNEKOLOQLARIN III QURULTAYI

MÜƏLLİFLƏ ƏLAQƏ

Bölmənin digər xəbərləri