Maqali Tinqal: Biz Fransanın üzr istəməyini tələb edirik
Bakı, 6 iyul, AZƏRTAC
Fransa Yeni Kaledoniyada öz müstəmləkəçilik siyasətini gücləndirmək üçün 1980-ci illərdə bölgədə vətəndaş müharibəsi təşkil etdi. Tərəflər arasındakı silahlı qarşıdurma səbəbindən yüzlərlə uşaq valideynlərini itirdi.
AZƏRTAC xəbər verir ki, bunu Qoşulmama Hərəkatının “Müstəmləkəçiliyin tamamilə aradan qaldırılmasına doğru” mövzusunda keçirilən tədbirdə Sosialist və milli KANAK azadlığı cəbhəsinin BMT-dəki nümayəndəsi (Yeni Kaledoniya) Maqali Tinqal deyib.
O, belə hadisələrlə böyüyən yeni nəslin azad şəkildə öz fikirlərini səsləndirmək istədiklərini vurğulayıb. “Fransanın bizim torpaqlarda törətdiyi əməllər xalqımızın fəlakəti ilə nəticələnib. Mən Fransanın müstəmləkəçilik siyasətindən açıq şəkildə danışa biləcəyimiz platforma təşkil edən Prezident İlham Əliyevə təşəkkür edirəm. Biz Fransanın üzr istəməyini tələb edirik”, - deyə M.Tinqal vurğulayıb.
Bölmənin digər xəbərləri
