MARADONA: “MƏN O DÜNYANI GÖRÜB GƏLDİM”

01.05.2004 [15:01]
Çap et
A⁺ A^-

AZƏRTAC-ın xəbər verdiyi kimi, dünya futbolunun ulduzlarından biri olan argentinalı Diyeqo Maradona aprelin 18-də hipertonik kriz diaqnozu ilə Buenos-Ayresdə xəstəxanalardan birinin reanimasiya şöbəsində yerləşdirilmiş və özünə gəldikdən sonra evdə müalicə olunmaq üçün aprelin 29-da intensiv terapiya palatasını tərk etmişdir. Xeyli arıqlayıb heydən düşən Maradona aprelin 30-da Argentina televiziyasının kanallarından birinə müsahibəsində demişdir: “Mən o dünyanı görüb gəldim”.

Maradona həyatını xilas etmiş həkimlərə, onun üçün narahatlıq keçirənlərə dərin minnətdarlığını bildirərək demişdir: “Yaşayıb həyatdan kam almaq istəyirəm. Heç kimi narahat etməyəcəyəm, heç kimlə işim olmayacaq. İstəyirəm ki, qızlarıma hörmət etsinlər”. O, bundan sonra ömrünü səyahətlərdə keçirmək, Əfqanıstana getmək istədiyini söyləmişdir.

Maradona xüsusi vurğulamışdır: “Mən Kubanı sevirəm. Çe Gevaranı, Fidel Kastronu sevirəm. Lakin mən argentinalıyam”.